Birleşen Arap Emirlikleri Eýranyň duşmançylykly hüjümlerine degişli gaýtawuly görkezmek bilen hemle atdy.
BAE Eýrana degişli dronyň howa goranyş ulgamlary tarapyndan hatardan çykarlandygyny mälim etdi we bu wakany dartgynlygyň möwjemegine sebäp bolup biljek hereket we özygtyýarlygyň basgylanmagy hökmünde häsiýetlendirdi.
BAE-nyň Daşary işler ministrliginden duşenbe güni berlen beýannamada, “BAE özygtyýarlygy we howpsuzlygy meselesinde asla egilşik etmez” diýildi.
Beýannamada ýurda abanýan howplara garşy halkara hukugyna laýyklykda degişli gaýtawulyň görkeziljekdigi bellenildi.
Beýannamada şeýle hem hüjümleriň gyssagly bes edilmegi üçin çagyryş edildi we çaknyşyklaryň bes edilmegi boýunça gazanylan ylalaşyga laýyklykda hereket edilmegi islendi.
BAE-nyň Daşary işler ministrliginden berlen beýannamada Eýranyň İordaniýa guran raketa hüjümleri ýazgaryldy.
BAE duşenbe güni Eýrana degişli dronyň howa goranyş ulgamlary tarapyndan hatardan çykarlandygyny mälim edipdi.
Goranmak ministrliginden berlen beýannamada, BAE-niň Ýaragly güýçleriniň ähli howplara garşy taýardygyna üns çekilipdi.
Birleşen Arap Emirlikleriniň Goranmak ministrligi şeýle hem Al Hemnhad howa bazasyna raketa hüjüminiň guralandygy hakyndaky habarlaryň asylsyzdygyny mälim etdi.
