Nepalda aşa köp ýagýan ýagyşlar bilen gelen sil we ýer süýşmesi sebäpli gözleg we halas ediş işleri dowam edýär. Gözleg we halas ediş toparlary heläkçilikde ýogalanlaryň sanynyň 623 adama ýetendigini habar berdi.
Nepalyň polisi Jhitwanda 233 we Nawalparaside 158 adamyň jesediniň tapylandygyny habar berdi.
Ady agzalýan sebitler heläkçilikde uly ýitgi çeken sebitlerden biri hökmünde görkezilýär.
Jesetleriň Hindistan serhedine çenli uzap gidýän sebitlerde tapylandygy mälim edildi.
Nepal tarapynda 511-i daşary ýurtly bolmak bilen azyndan 638 adamyň ýitendigi bellenildi.
Beýleki tarapdan Hytaýyň “Hinhua” habarlar gullugy, Hytaýda 7 adamyň ýogalandygyny, 554 adamyň ýitendigini habar berdi.
Nepally ýolbaşçylar 2301 adamyň halas edilendigini, gözleg we halas ediş işlerine 4811 hünärmeniň gatnaşýandygyny mälim etdi.
