Russiýanyň daşary işler ministri Sergeý Lawrow Nýu-Ýorkda Birleşen Milletler Guramasynyň Baş Assambleýasynda çykyş edip, Ýewropa ýurtlaryny Russiýa bilen Ukrainanyň arasyndaky parahatçylyk gepleşikleriniň mümkinçiliklerine "päsgel bermek üçin elinden gelenini etmekde" aýyplady.
Lawrow Günbataryň Ukrainany yzygiderli ýarag bilen "üpjün edýändigini" we Kiýewe uçarmansyz howa ulagy we raketalar arkaly raýatlary we raýat infrastrukturasyny nyşana almaga kömek edýändigini öňe sürdi. Günbataryň pozisiýasyny tankyt eden Lawrow: "Günbatar Russiýanyň strategik taýdan ýeňilmegini isleýär. Emma bu tagallalar uruş öjükdirijilerini strategik taýdan çykgynsyz ýagdaýa salar" diýdi.
Moskwanyň maksatlaryndan yza çekilmejekdigini nygtan rus ministri: "Ýörite harby operasiýanyň maksatlaryna ýetiler, Russiýanyň howpsuzlygyna howp aradan aýrylar we asuda durmuş gaýdyp geler. Bu şertler islendik ýagdaýda bolar" diýip belledi.
