Ysraýylyň Goranmak ministri Ýisrael Katz, Liwanyň günortasynda basylyp alynan 700 inedördül kilometrlik meýdanda 60-dan gowrak obany ýer bilen ýegsan edendiklerini we asuda ilatdan 200 müň adamy sürgün edendiklerini aýtdy.
Ministr Katz X sosial media platformasy arkaly beren habarnamasynda, Liwanyň günortasyndaky basyp alyşlyklary hakynda maglumat berdi.
Katz Liwanyň günortasynda 700 inedördül kilometrlik meýdany basyp alandyklaryna ünsi çekdi.
Ysraýylyň harby goşunynyň basyp alan ýerlerinde Liwanyň günortasynda ýaşaýan 200 müň liwanlyny sürgün edendigini ýatladan Katz, sebitde 60-dan gowrak obada 23 müň öýüň ýer bilen ýegsan edilendigine ünsi çekdi.
Hizbullahy ýarag bilen üpjün etmäge dowam edýändigi sebäpli Ysraýylyň harby goşunynyň Liwanyň günortasyndaky basyp alyşlygyny dowam etdirjekdigini nygtan Katz, Ysraýylyň demirgazygyna hüjüm guralan halatynda paýtagt Beýrudy nyşana almak bilen hemle atdy.
Ysraýylyň Liwandaky hüjümleri
Ysraýylyň harby goşuny, Liwana garşy 2-nji martda howa hüjümlerini başladypdy we ýurduň günortasynda onlarça etrapçany basyp alypdy.
Liwanyň hökümeti hüjümler bilen birlikde ýurtda öýlerini terk edenleriň sanynyň 1 milliondan adamdan geçendigini mälim edipdi.
Liwan bilen Ysraýylyň arasynda 17-nji aprelde güýje giren hüjümleriň bes edilmegi baradaky ylalaşygyň möhledi birnäçe gezek uzadylypdy.
Liwanyň Saglygy goraýyş ministrligi 12-nji oktýabrda beren beýannamasynda, Ysraýylyň 2-nji martdan bäri guraýan hüjümlerinde azyndan 4 müň 389 adamyň ýogalandygyny mälim edipdi.
