Kolumbiýanyň günorta-günbatarynda bikanun altyn käninde şahtanyň çökmegi netijesinde 14 adam ýogaldy, 7 adam ýaralandy.

Milli metbugatyň habarlaryna görä, Narino dolanşyk sebitiniň El Çambero we Bellawista ilatly nokatlarynyň arasyndaky altyn käni çökdi.

Şahtanyň içinden 14 adamyň jesediniň çykarylandygy, ýaralanan 7 adamyň bejergisiniň başlanandygy habar berildi.

Çöken käniň aşagynda magdançylaryň bardygy, gözleg we halas işleriniň dowam edýändigi we ýogalanlaryň sanynyň artmagyna alada bildirilýändigi mälim edildi.

Awgust aýynda şol bir sebitde bolan şoňa meňzeş magdan heläkçiliginde hem 13 adam ýogalypdy.