Ýemeniň goşuny soňky 24 sagadyň dowamynda geçirilen 1164 operasiýada 558 Husi agzasynyň täsirsiz ýagdaýa getirilendigini habar berdi.

Goşunyň ýazmaça beýanatynda “Ýemen Şapagy” atly operasiýanyň çäginde Husilere garşy geçirilen harby operasiýalar barada maglumat berildi.

Şoňa laýyklykda, soňky 24 sagadyň dowamynda Husileriň ele geçiren ýerlerine, ulaglaryna we pozisiýalaryna garşy 1164 takyk operasiýa geçirildi we 558 Husi söweşijisi täsirsiz ýagdaýa getirildi.

Ýurduň günortasyndaky Marib we Taiz welaýatlarynda Husileriň köp sanly pozisiýalary ele geçirildi, netijede köp mukdarda agyr ýaraglar we harby enjamlar ele salyndy.

Ýemende 5-nji oktýabrda başlanan "Ýemen Şapagy" atly harby operasiýasy dowam edýär.