Ukrainanyň prezidenti Wladimir Zelenskiý sosial media hasabyndan beren beýanatynda žurnalistleriň "United News" milli telemarafonynyň çäginde göni ýaýlymda bolan wagtynda, Russiýanyň "Mi-Ukraina" binasyna gündiz uçarmansyz howa ulagy bilen hüjüm gurandygyny mälim etdi.
Zelenskiý hüjümde kanalyň binasynyň bölekleýin weýran bolandygyny we 5 adamyň ýaralanandygyny aýtdy.
Zelenskiý degişli toparlaryň wakanyň bolan ýerinde iş alyp barýandygyny we Ukrainanyň Döwlet Adatdan daşary ýagdaýlar gullugynyň toparlarynyň ýangyny söndürendigini aýtdy.
Russiýanyň metbugat serişdelerine guraýan hüjümlerini tankyt eden Zelenskiý metbugat guramalarynyň "Şahed" kysymly uçarmansyz howa ulagy bilen nyşana alynmagyny "Russiýanyň pese gaçmagynyň täze baby" hökmünde häsýetlendirdi.
Zelenskiý Ýewropanyň we dünýäniň bu hüjüme reaksiýa bildirmelidigini aýtdy we Ukraina we ukrainalylaryň janyna garşy guralan islendik hüjümiň jezasyz galmaly däldigini nygtady.
Ruslar ýolagçy otlusyna hüjüm gurady
Başga bir ýazgysynda bolsa Zelenskiý Russiýanyň Kiýew bilen Sumy arasynda gatnaýan ýolagçy otlusyna uçarmansyz howa ulagy bilen hüjüm gurandygyny aýan etdi.
Ukrainanyň Döwlet Adatdan daşary ýagdaýlar gullugy wakada hiç kimiň ölmändigini we 90 ýolagçynyň ewakuasiýa edilendigini mälim etdi.
