COP31-iň başlygy we Türkiýäniň daşky gurşaw, şäher gurluşyk we howanyň üýtgemegi boýunça ministri Murat Kurum Özbegistanyň Prezidentiniň daşky gurşaw boýunça geňeşçisi we ekologiýa we howanyň üýtgemegi boýunça milli komitetiň başlygy Aziz Abduhakimow bilen duşuşyk geçirdi.

Murat Kurum, COP31-iň çäginde Özbegistanyň Prezidentiniň daşky gurşaw boýunça geňeşçisi we ekologiýa we howanyň üýtgemegi boýunça milli komitetiň başlygy Aziz Abduhakimow bilen geçiren duşuşygy barada sosial mediadan beren beýanatynda: "COP31-iň çäginde Özbegistanyň Prezidentiniň daşky gurşaw boýunça geňeşçisi we ekologiýa we howanyň üýtgemegi boýunça milli komitetiň başlygy Aziz Abduhakimow bilen duşuşyk geçirdik. Duşuşygymyzyň netijesinde, howanyň üýtgemegine garşy göreşmekde, howanyň we suwuň hapalanmagynyň öňüni almakda, galyndylary dolandyrmakda we aýlawly ykdysadyýetde bilelikdäki tagallalarymyz üçin berk binýady döretmek bilen, daşky gurşawy goramak ulgamynda hyzmatdaşlyk etmek barada özara düşünişmek memorandumyna gol çekdik. Antalýada pugtalandyran bu hyzmatdaşlygyň ýurtlarymyz we umumy geljegimiz üçin peýdaly boljakdygyna umyt edýärin" diýip nygtady.