ABŞ-nyň köpçülikleýin habar beriş serişdeleriniň berýän habaryna göra, Demokrat partiýanyn dalaşgäri Abdul el-Saýed, Miçigan ştatyndaky saýlaw bäsleşiginde Respublikan partiýanyň agzasy Maýk Rogersi ýeňip ABŞ-nyň Senadyna saýlanan ilkinji musulman boldy.
Saglygy goraýyş işgäri bolan el-Saýed, hormatly dynç alyşa çykan Demokrat senator Geri Pitersanyň ýerine geçdi.
El-Saýed, ýanwar aýynda Kongresiň täze agzasy hökmünde wezipesine girişer.
Ynanç meselesi saýlaw kompaniýasynyň jedelleşikli meselesine öwrüldi
El-Saýediň musulman bolmagy saýlaw kompaniýasy döwründe esasy mesele ýagdaýyna geldi we Prezident Donald Tramp bilen birlikde Respublikan partiýanyň beýleki agzalary meseläni yzygiderli ýagdaýda gün tertibine getirdi.
El-Saýed ekstremizm bilen arabaglanşygynyň bardygy hakyndaky garaýyşlary ret etdi.
El-Saýediň saýlaw ýeňişi, Trampyň 2024-nji ýylda geçirlen prezident saýlawynda az tapawut bilen ýeňiş gazanan ştatynda taryhy üstünlik manysyny aňladýar.
Asly müsürli bolan amerikaly taryhy päsgelçiligi ýeňip geçdi
42 ýaşyndaky asly müsürli bolan amerikalynyň gazanan ýeňişi, ABŞ-da musulmanlaryň syýasy wekilçiligi taýdan öwrülşik nokadyna eýedir.
El-Saýed saýlaw kompaniýasy döwründe Amerikanyň Ysraýyla berýän harby kömegini berk tankyt edipdi.
Ysraýylyň Gaza garşy alyp barýan söweşini genosid hökmünde häsiýetlendiren El-Saýed, ABŞ-nyň Ysraýyla harby taýdan şertsiz kömek bermekden ýüz öwürmegi üçin çagyryş edipdi.
Musulman dalaşgäriň Ysraýyl meselesindäki tutumy kampaniýanyň dowamynda ünsi çeken esasy meselelerden biri boldy.
