ABŞ-nyň ýörite wekili Stiw Witkoff, Trampyň adminstrasiýasynyň Russiýa-Ukraina söweşiniň bes edilmegi üçin diplomatiýa taýdan tagalla edýändigini aýtdy.
Witkoff ýurdunyň noýabr aýynyň 10-11-i aralygynda Abi-Dabide geçiriljek Russiýa-Ukraina gepleşiklerine töwellaçylyk etjekdigini nygtady.
Witkoff X sosial media platformasy arkaly beren habarnamasynda, gepleşiklerde söweşden soňky döwürde howpsuzlygyň üpjün edilmegi, dartgynlygyň ortadan aýrylmagy, ynsanperwer kömek işleri we parahatçylyga tarap barýan ýolda amala aşyryljak işler ýaly birnäçe meseläniň seljeriljekdigini aýtdy.
Witkoff bu başlangyjy ABŞ-nyň Prezidenti Donald Trampyň çaknyşyklaryň bes edilmegi üçin edýän tagallasynyň bir bölegi hökmünde häsiýetlendirdi.
Witkoff, amerikanyň adyndan gepleşikleri alyp barýan wekilleriň hepdäniň dowamynda Brýusselde Fransiýanyň, Germaniýanyň, Britaniýanyň, ÝB-niň we NATO-nyň wekilleri bilen duşuşjakdygyny aýtdy.
ABŞ-nyň ýörite wekili Stiw Witkoff, duşuşyklarda Ukraina howpsuzlyk kepilliginiň berilmegi, Ýewropanyň howpsuzlygy we ýurduň söweşden soň gaýtadan dikeldiş etaby üçin beriljek maliýe kömegi ýaly meseleleriň ara alnyp maslahatlaşyljakdygyny ýatlatdy.
