Kareliýa sebitiniň gubernatory Artur Parfençikow sosial media hasabyndan “Rosneft” kärhanasyna degişli ýangyç desgalarynda satuwyň wagtlaýynça çäklendirilendigini aýan etdi.
Parfençikow şäherlerde her ulag üçin rugsat berilýän benziniň iň ýokary möçberiniň 30 litr, şäherara ýollarda bolsa 50 litr boljakdygyny aýtdy we dizel ýangyjynyň satuwynyň hem 50 litr, agyr ulaglar üçin bolsa 200 litr bilen çäklendiriljekdigini beýan etdi.
Parfençikow ýangyç gaplarynda satuwyň hem togtadylandygyny belläp, çäreleriň aşa talabyň öňüni almak we ýangyç desgalarynyň işini bökdençsiz dowam etdirmegini üpjün etmek üçin çäreleriň görülendigini habar berdi.
Buryatiýa Respublikasynyň hökümeti hem "Rosneft" desgalarynda şuňa meňzeş çäklendirmeleriň ýola goýulmaga başlanandygyny aýan etdi.
Zabaýkalýe sebitiniň Ykdysady ösüş ministrligi “Rosneft” kärhanasynyň tutuş ýurt boýunça ýangyç desgalarynda çäklendirme girizendigini mälim etdi.
Habarlarda ýangyç satuwyna çäklendirmeleriň Russiýanyň Arhangelsk, Penza, Nižniý Nowgorod we Krasnoýarsk sebitlerinde hem girizilendigi habar berildi.
Ukrainanyň soňky wagtlarda Russiýanyň nebiti gaýtadan işleýän zawodlaryna garşy uçarmansyz howa ulaglary bilen guraýan hüjümleriniň artmagyndan soň, ýurtda ýangyç üpjünçiligi bilen bagly aladalar ýaňadandan ýüze çykdy.
Russiýada tomus aýlarynda hem şeýle kynçylyklary başdan geçiripdi, hökümet içerki üpjünçiligi goramak üçin benzin we dizel ýangyjynyň eksportyna çäklendirmeler girizipdi.
