Aşa sagçy ysraýylly ministr Ben Gwir, ÝB-niň palestinlilere zorluk edendigi üçin bikanun ýaşaýyşjylara sanksiýa girizmegi sebäpli Ýewropa Bileleşigini "antisemitizmde" günäkärledi.
Ben Gwir X arkaly beren habarnamasynda: "Antisemit bileleşigiň ahlaky karar kabul etmegine garaşmak, günüň günbatardan dogmagyny garaşmak ýalydyr" diýip ýazdy we ÝB-niň "özüni goraýanlaryň ellerini daňmaga synanyşýandygyny" sözleriniň üstüne goşdy.
Wengriýadaky hökümet çalşygynyň birnäçe aýlap dowam eden çykgynsyzlygy ortadan aýyrmagyndan soň Ýewropa Bileleşiginiň daşary işler ministrleri duşenbe güni täze sanksiýalar boýunça ylalaşdylar.
Diplomatik jogap
Ýewropa Komissiýasynyň Daşary işler we howpsuzlyk syýasaty boýunça ýokary wekili hen-de wise-prezident Kaja Kallas: "Çökgünlikden netijä geçmegiň wagty geldi. Ekstremizmiň we zorlygyň netijeleri bolar"diýdi
Fransiýanyň daşary işler ministri Žan-Noel Barro ÝB-niň "Ysraýylyň Günbatar Şeriýanyň ekstremist we zorlukly kolonizasiýalaşdyrylmagyny goldaýan esasy guramalaryna we liderlerine garşy sanksiýa girizýändigini" aýtdy.
Kararda ýedi sany bikanun gelmişek ýa-da gurama gara sanawa girizildi.
Ysraýyl soňky çäreleri ýazgaryp, ýewreýleriň basylyp alnan Günbatar Şeriada ýerleşmäge hukugynyň bardygyny öňe sürdi.
Daşary işler ministri Gideon Saar X-de ÝB-niň sanksiýalary "özbaşdak we syýasy taýdan" girizmek boýunça karara gelendigini ýazdy. Ben Gwir bolsa Ysraýylyň öz territoriýasyny "gurmaga we goramaga dowam etjekdiginei nygtap,"ilat ýerleşdirme tagallasynyň öňüniň alynyp bilinmejekdigini" aýtdy.
