Eýranyň köpçülikleýin habar beriş serişdeleri sişenbe güni Amerikan güýçleriniň Ormuz bogazynda kiçi ýük gämisini nyşana alandygy sebäpli asuda ilatdan 5 adamyň ýogalandygyny habar berdi.

Eýranyň ýarym resmi Tasnim habarlar gullugy, ABŞ-nyň harby güýçleriniň Omanyň kenarynda ýerleşýän Khasabdan Eýrana ýük getirýän iki kiçi gämini nyşana alandygynyň anyklanylandygyny habar berdi.

Eýranyň Ynkylap goragçylary goşunyna esaslanylýan habarda, hüjümde 5 ýolagçynyň ýogalandygy bellenildi.

ABŞ-nyň Merkezi güýçler serkerdeligi CENTCOM “söwda gämilerine howp salýan eýranly kiçi gämileri” hatardan çykarmak üçin amerikan dikuçarlarynyň ulanylandygyny we şol gämileriň strategik suw ýolunda howpsuzlygy ýola goýmak maksady bilen nyşana alynandygyny aýan edipdi.

ABŞ-nyň Merkezi güýçler serkerdeligi CENTCOM mundan başgada duşenbe güni Eýrany, ABŞ-nyň harby we söwda gämilerine ot açmakda günäkärledi.

ABŞ bilen Ysraýylyň 28-nji fewralda Eýrana garşy başladan bilelikdäki hüjümlerinden soň sebitara dartgynlyk has-da möwjedi.

Tähran hüjümlere Ysraýyla we ABŞ-nyň harby bazalaryna ýer eýeçiligini edýän Aýlag ýurtlaryna hüjüm guramak bilen garşylyk görkezdi.

8-nji aprelde Pakistanyň töwellaçylyk etmeginde hüjümler bes edildi, emma Yslamabatdaky gepleşiklerde ylalaşyk gazanylyp bilinmedi.

ABŞ 13-nji aprelde Ormuz bogazyny gabaw astyna aldy.