Ermenistanyň Prezidenti Wahagn Haçaturýan, Premýer-ministr Nikol Paşinýan tarapyndan gurlan ýurduň Ministrler kabinetiniň täze düzümini tassyklady.

Armenpressiň berýän habaryna görä, Prezident Haçaturýan, saýlawlarda üstünlik gazanan Paşinýanyň Ministrler kabinetiniň täze düzümini tassyklady.

Ministrler kabinetiniň täze düzüminde Daşary işler ministri Ararat Mirzoýan, Goranmak ministri Suren Papikýan, Içeri işler ministri Arpine Sargsýan, Saglygy goraýyş ministri Anahit Awanesýan we Ykdysadyýet ministri Geworg Papoýan ýaly birnäçe ministr wezipesini dowam etdirer.

Ýokary Tehnalogiýa senagat ministri Mhitar Haýrapetýanyň ýerine Dewid Tadewosýan bellendi.

Ermenistanyň Parlamentiniň başlygy wezipesine bolsa Ermenistanyň Parlamentinin başlygynyň orunbasary we Türkiýe boýunça ýörite wekili Ruben Rubinýan bellendi.

Nikol Paşinýan 7-nji iýunda Ermenistanda geçirlen saýlawda uly üstünlik gazanypdy.

1 million 476 müň 769 adamyň ses bermeginde geçirlen saýlawda sesleriň 49,74 göterimini alan Paşinýan şeýlelikde hökümeti gurmak hukugyna eýe bolupdy.