Gaza ynsanperwer kömegini alyp giden Halkara Sumud Flotilinde ýer alan we Ysraýyl tarapyndan saklanan 87 meýletin, waka garşylyk görkezmek we Ysraýylyň tussaghanalaryndaky palestinli tussaglylara goldaw berýändiklerini görkezmek üçin açlyk yglan etdi.

Flotil tarapyndan sişenbe güni X sosial media paltformasy arkaly beren habarnamasynda “iň ahlakly goşundygy” öňe sürülýän Ysraýylyň harby goşunynyň üç hepde-de ikinji gezek ýoldaşlaryny halkara suw giňişliginde saklanandygy nygtaldy.

Habarnamada “Ýoldaşlarymyzyň bikanun ýagdaýda saklanandygyna garşylyk görkezmek we Ysraýylyň zyndanlarynda saklanýan 9 müň 500-den gowrak palestinlä goldaw berýändigimizi görkezmek maksady bilen azyndan 87 meýletin boşadylýançak açlyk yglan edýäris” diýildi.

Habarnamada ysraýylly ýolbaşçylar tarapyndan saklanan ähli tussaglylaryň boşadylmagy talap edildi we hökümetlere Ysraýylyň garakçylyk hereketini ýazgarmaklary üçin çagyryş edildi.

Habarnamada flotiliň hataryndaky meýletinler bilen birlikde palestinli ähli tussaglylaryň boşadylmagy islendi.

Halkara Sumud flotili sişenbe güni ynsanperwer kömek kerwenindäki 50 gäminiň Ysraýyl tarapyndan ele geçirlendigini habar beripdi.

Gämilerde jemi 44 ýurtdan 428 meýletin bar. Meýletinleriň arasynda 78 türk raýaty bar.

Ynsanperwer kömek flotili penşenbe güni Türkiýäniň Marmaris etrabynda 2007-nji ýyldan bäri Gaza goýlan bikanun gabawy böwüsmek üçin ugrapdy.

Ysraýylyň harby goşuny aprel aýynyň ahrynda Kryt adasynda Gaza ynsanperwer kömegini alyp barýan başga bir flotile hüjüm edipdi.

2007-nji ýyldan bäri Gazany gabaw astynda tutýan Ysraýyl, sebitde 2,4 million adamy açlyga sezewar edýär.

Ysraýylyň harby goşunynyň 2023-nji ýylyň oktýabr aýynda Gazada başladan genosid söweşinde 72 müňden gowrak adam ýogaldy, 171 müň adam hem ýaralandy.

Ysraýylyň hüjümleri sebäpli sebit harabalyga öwrüldi.