BMG-niň Baş sekretary Antoniu Guterriş sişenbe güni beren beýanatynda Türkiýäniň Ortaýer deňziniň kenaryndaky Antalýa şäherinde geçirilýän COP31 howanyň üýtgemegi boýunça maslahatynyň guramaçylykly geçirilmegine ýokary baha berdi.
“Anadoly” habarlar agentligine 9-njy noýabrda, duşenbe güni başlan we 20-nji noýabra çenli dowam etjek ýyllyk howa konferensiýasy barada beren interwýusynda Guterriş: “Men köp sanly COP sammitlerine gatnaşdym we Türkiýäniň COP guramaçylygynyň ýokary hiline hakykatdanam haýran galdym” diýdi.
Guterreş bu beýanatyny ABŞ-da ýerleşýän "ReFED" kommersiýa däl guramasynyň prezidenti Dana Gundersiň duşenbe güni Türkiýäniň ýurtlary azyk zaýalanmasyna garşy göreşmek üçin birleşdirmek ugrundaky tagallalaryny öwmeginden soň berdi.
Gunders Türkiýäniň “Nol zyňyndy” başlangyjyny we prezident Erdoganyň aýaly Emine Erdoganyň bu meselä halkara derejesinde ünsi çekmekdäki rolyny nygtap geçdi.
Dünýäniň dürli künjeginden gatnaşyjylary bir ýere jemleýän ýyllyk “Nol Zyňyndy” forumyna salgylanyp, Gunders: “Türkiýe COP we Nol Zyňyndy gaznasy arkaly güýçli liderligi görkezýär” diýdi.
