Liwanyň döwlet habar agentligi NNA, Ysraýylyň Liwanyň günortasynda guran howa hüjümlerinde azyndan 17 adamyň ölendigini we köp sanda adamyň ýaralanandygyny habar berdi. Bu hüjümler ot açmagy bes etmek baradaky ylalaşygyň täze düzgün bozulmalary hökmünde hasaba alyndy.

Nabatiýe şäheriniň Kafr Rummane obasyndaky gonamçylyga guralan hüjümde dört adam ýogaldy, üç adam ýaralandy.

Nabatiýe we Günorta welaýatlaryny birleşdirýän iki ýola gönükdirilen üç aýry dron hüjüminde üç adam ýogaldy.

Nabatiýe degişli Arabsalim etrapçasynda bir öýe gönükdirilen hüjümde iki adam öldi. Şol bir şäherde ozal guralan hüjümde ýaralanan ýaş ýigit hem ýogaldy.

Günbatar Bekaa sebitindäki Meşgara etrapçasynda guralan hüjümlerde bäş adam ýogaldy, köp sanda adam ýaralandy.

Saýda sebitindäki Kewseriýet as-Siýad etrapçasyna guralan hüjümde hem iki adam ýogaldy.