Russiýa Kiýewdäki daşary ýurt raýatlaryny we diplomatlaryny Ukrainanyň paýtagtyndan çykmaga we ýurda syýahat etmekden saklanmaga çagyrdy, şäher ilatyna bolsa harby we dolandyryş edaralaryndan daşda durmak barada maslahat berdi.
Russiýanyň Daşary işler ministrligi tarapyndan berlen resmi beýanatda Moskwanyň Kiýewde we Ukrainanyň beýleki şäherlerinde harby infrastruktura garşy güýçli hüjümlerini dowam etdirjekdigi aýan edildi.
Ministrlik hüjümleriň ukrain güýçleri tarapyndan Russiýanyň raýatlaryna we ýurduň içindäki infrastruktura garşy amala aşyrylan "terrorçylykly hereketlere" gönüden-göni jogap boljakdygyny öňe sürdi.
Beýanatda: “Russiýanyň Daşary işler ministrligi daşary ýurt raýatlaryna, şol sanda diplomatik missiýanyň işgärlerine Ukrainany terk etmeklik we bu ýurda syýahat etmekden ýüz öwürmek barada ýene bir gezek duýduryş berýär” diýildi.
