“Wall Street Žornal” gazetiniň ýekşenbe güni ABŞ-nyň harby resmilerine esaslanan habaryna görä, Eýrandaky halas ediş operasiýasynda ulanylan we soň hatardan çykarlan ABŞ-nyň uçarlarynyň her biriniň gymmaty 100 million dollardan gowrak.

MJ-130Ž uçarlary, urlup düşürlen F-15 kysymly harby uçaryň ekipažyny halas etmek üçin ulanyldy.

Bu operasiýada ekipažyň  ikinji agzasy üstünlikli ýagdaýda halas edildi.

ABŞ-nyň Howa güýçleri serkerdeligine görä, duşmana degişli ýerlere esger ornaşdyrmak we esger çykarmak üçin niýetlenen MJ-130Ž uçarlary uçuş mahalynda ýangyç doldurup bilýär.

Amerikaly resmi halas ediş operasiýasynyň çäginde ABŞ-nyň iki MJ-130Ž uçaryny hatardan çykarandygyny mälim etdi.

Eýranyň Ynkylap goragçylary goşuny ýekşenbe güni beren beýannamasynda “netijesiz halas ediş başlangyjy” hökmünde häsiýetlendiren operasiýanyň çäginde ýurduň merkezinde duşmana degişli uçarlary hatardan çykarandygyny habar berdi.

Eýranyň Mejlisiniň başlygy Muhammed Bakyr Kalidaf sosial mediadan beren habarnamasynda “Eger ABŞ şuňa meňzeş ýene-de üç ýeňiş gazanan halatynda agyr ýitgi çeker” diýdi.

Eýranly ýolbaşçylar ABŞ-nyň halas ediş operasiýasynyň çäginde dikuçarlar we ýük uçary bilen birlikde goşmaça uçarlaryň hatardan çykarlandygyny öňe sürdi.

ABŞ Eýranda urlup düşürlen F-15 harby uçarynyň iki ekipažyny halas etdi.