Duşenbe güni ir ertir çap edilen resmi görkezijilere görä, Eýran 28-nji fewraldan bäri 7 arap ýurdunda ýerleşýän ABŞ-nyň harby bazalaryna azyndan 5 müň 471 raketa we dron hüjümini gurady.
ABŞ bilen Ysraýylyň Eýrana guraýan bilelikdäki hüjümleri we Tähranyň degişli gaýtawuly görkezýändigi sebäpli Aýlag ýurtlarynda birnäçe ýer nyşana alyndy.
Hüjümler sebäpli uly ýitgi çeken ýurt Birleşen Arap Emirlikleri boldy.
Birleşen Arap Emirlikleriniň Goranmak ministrligi hüjümleriň başlan gününden bäri howa goranyş ulgamlarynyň 414 ballistiki raketany we 1914 drony hatardan çykarandygyny mälim etdi.
Kuweýt hem 309 ballistiki raketa bilen 616 dronyň hatardan çykarlandygyny aýan etdi.
Bahreýiň Goranmak ministrligi ady agzalýan döwürde 174 raketa bilen 391 dronyň hatardan çykarlandygyny habar berdi.
Kataryň Goranmak ministrligi ýurduna guralan hüjümlerde 206 ballistiki raketa bilen 93 dronyň hatardan çykarlandygyny mälim etdi.
Iordaniýanyň harby goşuny çaknyşyklarda ýurduna garşy 262 raketa we dron hüjümiň guralandygyna ünsi çekdi.
Saud Arabystany bolsa ýurdyny nyşana alan azyndan 52 raketa bilen 1006 dronyň hatardan çykarlandygyny ýatlatdy.
Oman bolsa ýurduna 19 dron hüjüminiň guralandygyny mälim etdi.
Ysraýyl bilen ABŞ-nyň 28-nji fewraldan bäri Eýrana garşy guraýan hüjümleri sebäpli ýurduň ozalky dini lideri Aýetullah Ali Hamenei bilen birlikde 1340 adamyň ýogalandygy habar berildi.
Hüjümler sebäpli başlan sebitara dartgynlyk bolsa möwjemek bilen dowam edýär.
Eýran Ysraýyla, Yraga, Iordaniýa we ABŞ-nyň harby bazalaryna ýer eýeçiligini edýän Aýlag ýurtlaryna dron we raketa hüjümlerini guraýar.
Hüjümler adam pidasynyň çekilmegine we infrastruktura uly zeper ýetirilmegine sebäp boldy.
Hüjümler sebäpli halkara bazarlarda nebitiň barrel bahasy ýokarlady.
