Zimbabweniň Kariba kölünde paromyň agdarylmagy netijesinde 15 adamyň ýogalandygy habar berildi.

Ýerli dolandyryş we jemgyýetçilik işleri boýunça welaýat müdüri Sesiliýa Çitiýo Oba infrastrukturasyny ösdürmek agentligine (RIDA) degişli "Mbuyanehanda" paromynyň Karibadan Çalala barýarka Long Aýlendiň golaýynda agdarylandygyny aýtdy.

Çitiýo gözleg we halas ediş işleriniň çäginde 53 adamyň halas edilendigini we 15 adamyň jesediň tapylandygyny aýtdy.

Zimbabwe polisiýasy paromda azyndan 90 ýolagçynyň we 5 ekipaž agzasynyň bolandygyny mälim etdi.

Zimbabwe teleradioýaýlym korporasiýasynyň (ZBC) tassyklamadyk maglumatyna görä, paromda 160-dan gowrak ýolagçy bolupdyr.

Dört ýaşdan kiçi çagalara bilet gerek däldigi sebäpli ýolagçylaryň hakyky sanynyň has köp bolmagynyň mümkindigi çaklanylýar.

Zambiýa bilen Zimbabweniň serhedinde ýerleşýän Kariba kölü Afrika materiginde Nil krokodilleriniň iň köp ýaşaýan ýerleriniň biridir.