Harby çeşmeleriň berýän maglumatyna görä, Husileriň guran raketa we dron hüjümlerinde azyndan 58 adam ýogaldy.
Bu hüjüm ýurtdaky içerki söweşiň soňky 4 ýylynyň iň gandöküşikli günlerinden biri hökmünde bellige alyndy.
Husileriň penpenbe güni Marib we Hadramut welaýatyndaky harby merkezlere guran hüjüminde birnäçe esger hem ýaralandy.
Hüjümler 2022-nji ýyldan bäri Ýemeniň harby goşunyna garşy guralan iň uly hüjümlerden biri hökmünde häsiýetlendirildi.
Husileriň metbugat sekretary Ýahýa Seri, hüjümleriň Saud Arabystanynyň goldaw bermeginde guralan hüjüme jogap hökmünde guralandygyny mälim etdi.
Ýahýa Seri hüjümde hökümete degişli ýerleriň nyşana alynandygyny belledi.
Ýemeniň Goranmak ministrligi hem ýaragly güýçleriň amatly pursatda hüjüme degişli gaýtawuly görkezjekdigini mälim etdi.
Hüjümler Saud Arabystanyna hem zeper ýetirýär. Saud Arabystanynyn öňbaşçylygyndaky koalisiýa görä, penşenbe güni Husileriň guran hüjümleri sebäpli ýurduň günortasynda ýerleşýän Nejran sebitinde asuda ilatdan 11 adam ýaralandy.
