Türkiye Respublikasynyň Prezidentiniň ýanyndaky Kommunikasiýalar edarasynyň başlygy Burhanettin Duran, Prezident Rejep Taýýip Erdoganyň anna güni Saud Arabystanyna bir günlük iş saparyny amala aşyrjakdygyny mälim etdi.
Duran penşenbe güni Türkiyäniň NSosyal sosial media platformasyndan beren beýanatynda, Erdoganyň saparyň dowamynda Saud Arabystanynyň mirasdüşer şazadasy we premýer-ministri Muhammed bin Salman bin Abdulaziz Al Saud we Pakistanyň premýer-ministri Şahbaz Şerif bilen duşuşmagyna garaşylýandygyny aýtdy.
Beýleki tarapdan bolsa Şerif iki taraplaýyn hyzmatdaşlyk we sebitleýin wakalara bagyşlanan üç günlük sapar bilen Saud Arabystanyna bardy.
APP-niň maglumatyna görä, Şerifiň Saud Arabystanynyň mirasdüşer şazadasy Muhammed bin Salman bilen duşuşyp, ikitaraplaýyn hyzmatdaşlygy güýçlendirmegiň ýollaryny ele almagy we sebitleýin we halkara wakalary ara alyp maslahatlaşmagy meýilleşdirilýär.
Saud Arabystany we Pakistan sebitdäki dartgynlyk döwründe gol çekilen ikitaraplaýyn goranyş ylalaşygyna laýyklykda ýakyn goranyş gatnaşyklaryny saklaýarlar.
Bu sapar Yslamabadyň Waşington bilen Tähranyň arasyndaky araçylyk tagallalaryny dowam etdirýän wagtyna gabat geldi.
