Ysraýylyň köpçülikleýin habar beriş serişdelerine görä, Liwanyň günortasynda partlaýjy maddalarynyň ýarylmagy sebäpli ysraýylly iki esger ýogaldy, 4 esger hem ýaralandy.
Ysraýylyň Kanal 12 teleýaýlymyna görä, partlama çarşenbe güni Liwanyň Sur etrabyndaky Maždal Zoun etrapçasynda boldy.
Ysraýylyň harby goşunyndan berlen beýannamada, wakada iki esgeriň ýogalandygy nygtaldy.
Ysraýylyň Liwanyň günortasyndan çekilmegi üçin ABŞ-nyň töwellaçylyk etmeginde Ysraýyl bilen Liwanyň arasynda Rimde gepleşikleriň 7-nji tapgyrynyň geçirilýän günlerinde bolan partlama ünsleri özüne çekdi.
Üç günlük gepleşikleriň şu gün tamamlanmagyna garaşylýar.
Liwanyň Saglygy goraýyş ministrligine görä, 2-nji martdan bäri Ysraýylyň guraýan hüjümlerinde azyndan 4 müň 333 adam ýogaldy, 12 müň 250 adam hem ýaralandy.
