Saud Arabystanynyň paýtagty Riýatdaky Şa Halid halkara howa menziline guralan hüjümde 1 adamyň ýogalandygy, 11 adamyň ýaralanandygy nygtaldy.
Ýekşenbe güni ýary gije guralan hüjümde pakistanly 1 adamyň ýogalandygy, ýaralananlaryň hassahanada bejergi astyna alynandygy nygtaldy.
Hüjüm sebäpli howa menziline uly zeper ýetirlendigi nygtaldy.
Saud Arabystanynyň ýolbaşçylygyndaky koalisiýa güýçleri ýekşenbe güni günortadan soň guralan hüjüm sebäpli howa menziliniň 4-nji terminalynda ýangynyň bolandygyny habar beripdi.
Ady agzalýan hüjüm şol howa menziline guralan we 12 adamyň ýogalmagyna, 300-den gowrak adamyň ýaralanmagyna sebäp bolan başga bir hüjümden bir gün soň guraldy.
Saud Arabystanynyň ýolbaşçylygyndaky koalisiýa güýçleri, ady agzalýan hüjümden Husileriň jogapkärdigini öňe sürdi we wakany halkara hukugynyň basgylanmagy hökmünde häsiýetlendirdi.
Saud Arabystany ozal Ýemenli Husileriň Saud Arabystanyndaky iki howa menziline we uly nebit desgasyna hüjüm gurandygyny öňe sürüpdi, şol bir wagtda ýurduň gündogarynda ýerleşýän halkara Şa Fehd howa menziline hüjüm guralandygyny aýan edipdi.
