Russiýa sişenbe güni Sibirdäki biologik barlag institutynda işgäriň ölüminden soň gyrgyn keseline garşy ýörite çäreleriň görülendigi baradaky maglumatlary ret etdi we işgäriň laboratoriýadaky heläkçilikden soň öýken gyrgyn keseline ýolugandygy baradaky habarlary ret etdi.
Russiýanyň resmileriniň maglumatyna görä, Irkutsk şäheriniň Gyrgyn keseline garşy göreş ylmy-barlag institutynyň 28 ýaşly ylmy işgäri sebäbi belli bolmadyk pnewmoniýa keselinden soň aradan çykdy..
Russiýanyň "People of Baikal" habarlar agentligi aýalyň Darýa Şipilowadygyny we laboratoriýada synag gabynyň döwülmegi sebäpli onuň öýken gyrgyn keseline ýolugan bolmagynyň mümkindigini habar berdi. Beýleki ýerli habar beriş serişdeleri hem onuň ölümi bilen desgadaky heläkçiligiň arasyndaky mümkin baglanyşygyň bardygyny habar berdiler.
Habarda Şipilowa bilen gatnaşykda bolan bolmagy mümkin 200 töweregi adamyň karantine alnandygy aýdylýar.
Emma Russiýanyň sarp edijileriň saglygyna gözegçilik edýän agentligi “Rospotrebnadzor” guramasy internetde ýaýradylan gyrgyn keseliniň öňüni almak boýunça ýörite çäreleriň görülendigi baradaky maglumatlary ret etdi.
Gurama “Telegram”-dan beren beýanatynda: “Ady agzalan resminamalaryň we maglumatlaryň resmi çeşmelerden alynmadygyny we hakykaty bap gelmeýändigini anyklaşdyrmak isleýäris” diýdi.
