ABŞ sişenbe güni Eýranyň günortasynda, Ormuz bogazynda ýerleşýän Keşm adasyna birnäçe hüjüm gurady. Eýranyň ýerli resmisi hüjümleriň guralandygyny tassyklady.
Eýranyň resmi IRNA habar agentligine beren interwýusynda Hormozgan welaýatynyň häkiminiň orunbasary Ahmed Nafisi: "ABŞ-nyň Keşm adasyndaky käbir ýerlere guran hüjümleri ýaşaýyş ýerlerine, söwda merkezlerine ýa-da infrastruktura zyýan ýetirmedi" diýdi.
Nafisi: “Keşm adasyndaky ýagdaý gözegçilik astynda. Ähli halas ediş, hyzmat we ýerine ýetiriji edaralar doly taýýarlyk ýagdaýynda” diýdi.
IRNA agentligi sişenbe güni agşam Keşm adasynda bäş-alty partlamanyň eşidilendigini habar berdi.
Şol gün irden Eýranyň Ynkylap güýçleri Bahreýnde ABŞ tarapyndan dolandyrylýan radar ulgamyna uçarmansyz howa ulaglar bilen hüjümler amala aşyrandygyny mälim edipdi.























