Eýranyň Ynkylap goragçylary goşuny, “bikanun ýagdaýda” Ormuz bogazyndan geçmäge çalşan Togonyň baýdagyny göterýän nebit tankeriniň nyşana alynandygyny habar berdi.
Ynkylap goragçylary goşunynyň Deňiz güýçleri tarapyndan berlen ýazmaça beýannamada, Togonyň baýdagyny göterýän “Trend” atly nebit tankeriniň düýn ABŞ-nyň harby goşunynyň meçew bermesi sebäpli bikanun ýagdaýda Ormuz bogazyndan geçmäge çalşandygy nygtaldy.
Beýannamada, bikanun ýagdaýda bogazdan geçmäge çalşan gäminiň nyşana alynandygy we gäminiň ýanandygy bellenildi.
Eýran, ABŞ bilen Ysraýylyň 28-nji fewralda başladan bilelikdäki hüjümleri sebäpli gämileriň Ormuz bogazyndan geçmegini gadagan edipdi we bikanun ýagdaýda bogazdan geçmäge çalşan gämileri nyşana almaga başlapdy.
17-nji iýunda Eýran bilen ABŞ-nyň arasynda baglaşylan ylalaşyk teswirnamasyndan soň gämileriň bogazdan geçmegine rugsat berlipdi.
Eýran ylalaşygyň şertleriniň ýerine ýetirilmändigi sebapli 8-nji iýulda gaýtadan başlan söweşden soň 12-nji iýulda bogazy gatnawa ýapdy.
