Eýranyň Ynkylap goragçylary goşuny, howa goranyş ulgamlarynyň Ormuz bogazynda strategiýa taýdan esasy orun eýeleýän Keşm adasynda ABŞ-na degişli drony urup düşürendigini aýan etdi.
Eýranyň Ynkylap goragçylary goşuny, çarşenbe güni Ormuz bogazynda Keşm adasynda ABŞ-na degişli MQ-9 kysymly drony urup düşürendiklerini mälim etdi.
Mesele hakynda berlen beýannamada, Eýranyň howa goranyş ulgamlarynyň sişenbe güni ýerli wagt bilen 02.29-da adanyň golaýyndaky dronyň ýerini anykladygy nygtaldy.
Ady agzalýan dronyň çaknyşyklarda urlup düşürlen 52-nji drondygy öňe sürüldi.
ABŞ mesele barada heniz hiç hili beýannama bermedi.
Eýranyň Ynkylap goragçylary goşuny sişenbe güni Ormuz bogazynda ABŞ-na degişli üç sany MQ-1 kysymly drony urup düşürendigini mälim edipdi.
ABŞ bilen Ysraýyl 28-nji fewralda Eýrana garşy başladan hüjümlerinde harby desgalary, hökümete degişli binalary, raketa we goranyş ulgamlaryny nyşana alypdy.
Eýran hem Ysraýyla we ABŞ-nyň sebitdäki harby merkezlerine dron we raketa hüjümini guramak bilen garşylyk görkezipdi.
Çaknyşyklar şol günden bäri dowam edýär.
