Hindistanyň Premýer-ministri Narendra Modi, Ukrainadaky we Eýrandaky söweşiň dowam edýän günlerinde Russiýanyň Prezidenti Wladimir Putine, krizisleriň diňe gepleşik we diplomatiýa taýdan çözülip bilinjekdigini aýtdy.
Modi BRICS-iň liderler sammitiniň öňüsyrasynda anna güni Täze Delide Russiýanyň Prezidenti Waldimir Putin bilen duşuşdy.
Hindistanyň Daşary işler ministrligi, iki lideriň duşuşykda iki ýurduň arasynda söwda, energetika, goranyş senagaty ýaly birnäçe ugurda edilýän özara hyzmatdaşlyk hakynda pikir alyşandygyny mälim etdi.
Daşary işler ministrliginden berlen beýannamada liderleriň Ýakyn Gündogardaky we Kawkazdaky çaknyşyklar bilen birlikde sebitara we halkara meseleler barada hem pikir alyşandygy nygtaldy.
Duşuşykda çaknyşyklaryň diňe gepleşik we diplomatiýa arkaly çözülip bilinjekdigini aýdan Modi, Hindistanyň parahatçylyk tagallalaryna goşant goşmaga taýardygyna ünsi çekdi.
