Türkiyäniň Kenarýaka howpsuzlyk serkerdeliginiň web sahypasynda ýerleşdirilen beýanata görä, degişli toparlar kenarýaka howpsuzlyk gullugynyň dronuny ulanyp, Izmir welaýatynyň Seferihisar etrabynyň Akwarýum aýlagy sebitinde bikanun migrantlaryň toparyny anykladylar we Žandarma güýçleri bilen bilelikde operasiýa geçirdiler.
Operasiýada 39 migrant we 1 migrant gaçakçysy diýlip güman edilýän adam tussag edildi, deňizde galan 8 adam bolsa halas edildi.
Daşary ýurtly raýatlar, degişli işleri tamamlanandan soň, Welaýat migrasiýa müdirliklerine iberildi.
Degişli toparlar Urla etrabynyň kenarynda hereketlendirijisiniň näsazlygy sebäpli suwda öz ugruna ýüzýän gämiden bir adamy halas edip, gämi bilen Güzelbahçe portuna getirdiler.
Aýdyn welaýatynyň Didim etrabynyň kenarynda, hereketlendirijisi näsaz bolan gaýykdaky 7 adam Kenarýaka howpsuzlyk gulluklary tarapyndan halas edilip, Akbük balykçylyk portuna getirildi.
