Ysraýylyň harby goşunynyň ylalaşyga garamazdan Gaza sektoryna garşy guran hüjümlerinde soňky 24 sagatda palestinli 12 adam ýogaldy, 12 adam hem ýaralandy.

Gazadaky Saglygy goraýyş ministrliginden berlen ýazmaça beýannamada, Ysraýylyň 2023-nji ýylyň oktýabr aýyndan bäri guraýan hüjümlerinde ýogalanlar hakynda maglumat berildi.

Soňky 24 sagatda Gazadaky hassahanalara Ysraýyl tarapyndan guralan hüjümlerde ýogalan 12 adamyň jesedi getirildi.  Hüjümlerde 12 adamyň hem ýaralanandygy bellenildi.

2025-nji ýylyň 10-njy oktýabrynda Gazada hüjümleriň bes edilmegi boýunça gazanylan ylalaşyga garamazdan Ysraýylyň guraýan hüjümlerinde 1180 adam ýogaldy, 3 müň 810 adam ýaralandy. Harabalygyň aşagyndan 802 adamyň jesedi tapyldy.

Ysraýylyň 2023-nji ýylyň oktýabr aýyndan bäri Gaza guraýan hüjümlerinde 73 müň 305 adam ýogaldy, 173 müň 918 adam hem ýaralandy.