Fransiýanyň daşary işler ministri Žan-Noel Barrot sişenbe güni Eýranyň raýat we energiýa infrastrukturasyna guraljak hüjümlere alada bildirip, şeýle hereketleriň howply jogap çäreleriniň görülmegine sebäp bolup biljekdigini aýtdy.
Barrot "France Info" beren beýanatynda Parižiň "harby däl desgalara edilýän islendik hüjümlere garşy durýandygyny" aýtdy we olaryň halkara hukuk kadalary hem-de uruş düzgünleri bilen gadagan edilendigini nygtady.
Ministr Eýranyň energiýa pudagyna gurajak hüjüminiň "gaýtawul dartgynlylygynyň täze bir tapgyryny" başladyp biljekdigini, sebite hem-de global ykdysadyýete agyr zarba urjakdygyny duýdurdy.
Energetika pudagynyň öňündäki kynçylyklar we diplomatik tagallalar
Barrot dartgynlyklar sebäpli ýangyjyň bahalarynyň ýokarlanýandygyny belläp, Eýranyň infrastrukturasyna ediljek hüjümleriň jogap çärelerine sebäp bolup, bazary has-da durnuksyzlaşdyrjakdygyny aýtdy.
Barrot şeýle hem ABŞ-nyň we Ysraýylyň öňki harby hereketlerine garşy durýandyklaryny nygtap, olaryň anyk maksatlarynyň ýokdugyny we halkara hukugyny bozýandygyny aýtdy.
Fransiýa we onuň beýleki ýewropaly hyzmatdaşlary dartgynlygy çözmek üçin sebitleýin töwellaçylyk tagallalaryny goldap, çaknyşyga goşulmakdan gaça durmaga çalyşýarlar.
