Erdogan sişenbe güni Ankarada “Roketsanyň” täze desgalarynyň açylyş dabarasynda eden çykyşynda Türkiýäniň 2028-nji ýylda goranyş we awia-kosmos eksportynda 11 milliard dollarlyk maksada ýetmegi hem-de şeýlelik bilen dünýäde esasy 10 goranyş eksportçysynyň hataryna goşulmagy maksat edinýändigini aýtdy.
Erdogan howa goranyş ulgamlary we raketa taslamalary üçin döredilen täze infrastrukturanyň Türkiýäniň Ýaragly güýçleriniň öňüni alyş güýjüni has-da ýokarlandyrjakdygyny nygtady we: "Polat Gümmeziň zarba güýjüni emele getirýän ulgamlaryň ýokary önümçilik derejesine ýetmegi bilen, howa goranyş ulgamymyzy has-da güýçlendireris" diýdi.
Polat Gümmez Türkiýäniň ýerli radar, raketa, elektron söweş we dolandyryş ulgamlaryny birleşdirýän bitewi gatlakly howa goranyş binýadydyr. Bu ulgam howa giňişligini dürli belentliklerdäki we alyslykdaky howplardan goramagy maksat edinýär.
"Dünýä Bize Haýran Galmak Bilen Syn Edýär"
Türkiýäniň goranyş senagatynyň häzirki wagtda "dünýäni haýran galdyrýandygyny" nygtan Erdogan: "Häzirki wagtda Türkiýe öz howa giňişligini goraýan, öz platformalaryny enjamlaşdyrýan we öz ok-därilerini öndürýän ýurt. Biz bularyň hemmesini öz adam serişdelerimiz bilen amala aşyrýarys"diýdi.
Erdogan şeýle hem Türkiýäniň kadalary we tapgyrlay täzeden kesgitlenýän ulgamyň esaslandyryjy taraplaryndan biridigini, hem ýerlerde hem-de tehnologiýada şertiň kadalaşmagyny ýola goýmaga goşant goşýandygyny aýtdy.
