Türkiýäniň Daşary işler ministrligi Ysraýylyň Daşary işler ministrliginiň Prezident Rejep Taýýip Erdogany nyşana alan beýanatyna reaksiýa bildirdi.
Türkiýäniň Daşary işler ministrligi tarapyndan berlen beýanatda: "Ysraýylyň Daşary işler ministrliginiň ýaýradan, Prezidentimizi nyşana alýan ýalanlary we töhmetleri öz içine alýan beýanaty, Ysraýyl hökümetinde gulluk edýän jenaýatçylaryň, esasanam Netanýahunyň gorkak we çürän pikirini görkezýär" habar berildi.
Beýanatda: “Gazada genosidi amala aşyryp, tutuş Ysraýyl halkyna taryhy utanç getiren we häzirki zaman Ýakyn Gündogar taryhynda deňsiz-taýsyz ekspansionizm arkaly sebitleýin we global durnuksyzlyga ilkinji nobatda jogapkär bolan Netanýahunyň we onuň jenaýatçy ulgamynyň eýe bolan eldegrilmesizligi hem kanuny, hem-de syýasy taýdan ortadan aýrylýar” diýildi.
Daşary işler ministrligi beýanatynda: “Gebbelsiň propaganda maşynyna meňzeş usulda işleýän Ysraýylyň edaralarynyň tagallalary indi ýeterlik däl we halkara jemgyýetçiligi Netanýahu hökümetiniň ýalanlaryna ynanmaýar. Türkiýe Prezidentimiziň ýolbaşçylygynda Netanýahu döwründe amala aşyrlan jenaýatlara garşy dogruçyl we berk pozisiýa eýeledi. Biz hakykaty goramaga we aýtmaga dowam ederis" diýip beýan etdi.
