Ysraýylyň Premýer-ministri Binýamin Netanýahunyň, ABŞ-nyň Prezidenti Donald Trampa ýurdunda 3-nji noýabrda geçiriljek araky saýlawlaryň yzy ýanyndan Eýrana garşy täze hüjümleriň başlamagy üçin basyş edendigi öňe sürüldi.

Amerikan “Axios” habar platformasynyň amerikaly we ysraýylly resmilere esaslanýan habaryna görä, Tramp bilen Netanýahu telefon arkaly söhbetdeşlik geçirdi.

Liderler telefon söhbetdeşliginde ABŞ-nyň Eýran bilen geçirýän gepleşiklerinde ýetilen sepgit we taraplaryň gaýtadan çaknyşmak ähtimallygy meselesi hakynda pikir alyşdy.

Habarda Netanýahunyň Trampa 3-nji noýabrda geçiriljek araky saýlawlaryň yzy ýanyndan Eýrana garşy täze hüjümleriň guralmagy üçin basyş edýändigi öňe sürüldi.

Mesele hakynda heniz hiç hili resmi beýannama berilmedi.