Siriýanyň harby goşuny, Amerikan güýçleriniň Siriýanyň demirgazyk gündogaryndaky Kasrak howa bazasyndan çekilmeginden soň bazanyň gözegçiligini ele geçirdi.
SANA habarlar gullugynyň Siriýanyň Goranmak ministrligine esaslanýan habarynda, Siriýanyň harby goşunynyň ABŞ-nyň ýolbaşçylygyndaky koalisiýa güýçleriniň yza çekilmeginden soň Hasekedäki harby bazanyň gözegçiligini ele geçirendigine ünsi çekdi.
Siriýanyň Daşary işler ministrliginden berlen beýannamada, “Amerikan güýçleriniň Siriýadaky harby bazalarynyň gözegçiliginiň Siriýanyn hökümetine tabşyrylmagy işleriniň dolulygyna tamamlanmagyna hoşallyk bildirýäris” diýildi.
Ýerli çeşmeler Amerikan güýçleriniň harby bazalardan çekilmeginden soň terror guramasy ÝPG bilen arabaglanşykly toparyň bazadaky käbir ulaglary oda berendigini mälim etdi.
Siriýanyň hökümetiniň soň harby bazanyň gözegçiligini ele geçirendigi nygtaldy.
Amerikan güýçleri Istirahat al-Wezir bazasynda öz işini dowam etdirýär.
