Türkiýäniň Daşary işler ministrligi Ysraýylyň Siriýanyň Kuneýtra welaýatyndaky "Sufa 53 liniýasynda" işleri täzeden başladyp, 1974-nji ýyldaky dartgynlylygy azaltmak baradaky ylalaşygyň düzgün bozulmasy we sebitde täze kynçylyklary döretmäge synanyşyk hökmünde ýazgaryp, reaksiýa bildirdi.
Ministrlik tarapyndan berlen ýazmaça beýanatda Ysraýylyň sebitdäki ekspansionist syýasatynyň dartgynlylygy güýçlendirýändigine ünsi çekdi we halkara jemgyýetçiligini herekete geçmäge çagyrdy.
Beýanatda Ysraýylyň şol ugur boýunça alyp barýan işleriniň 1974-nji ýyldaky dartgynlylygy azaltmak baradaky Ylalaşygyň düzgünini bozýandygy bellenilip:
“Ysraýylyň Siriýanyň Kuneýtra welaýatynda "Sufa 53 liniýasy" diýlip atlandyrylýan ugurda işini gaýtadan başladyp, 1974-nji ýyldaky dartgynlylygy azaltmak baradaky ylalaşygyň düzgünini bozýar we Siriýada täze kynçylyklary döretmek bilen bagly işlerini iň berk ýagdaýda ýazgarýarys.
Biz halkara jemgyýetçiligini Ysraýylyň sebitde dartgynlylygy güýçlendirýän ekspansionistik syýasatyny bes etmek we basyp alnan Siriýa territoriýalaryndan çykmak üçin dessine, netijeli we aýgytly ädimler ätmäge çagyrýarys. Türkiýe Siriýanyň özygtyýarlylygyny, syýasy jebisligini we territorial bitewiligini goldamagyny berk dowam etdirer; şeýle hem sebit ýurtlary bilen bilelikde bu ugurda zerur ädimleri ätmäge dowam eder” diýip nygtaldy.
