ABŞ-nyň Goranmak ministri Pit Herset Germaniýadan 5 müň esgeriň yza çekilmegi barada görkezme berdi.

Prezident Donald Tramp hepdäniň başynda ABŞ bilen Ysraýylyň Eýrana garşy alyp barýan söweşi sebäpli Germaniýanyň Federal Kansleri Merz bilen başdan geçiren dartgynlygyndan soň ýarany Germaniýadan esgerlerini yza çekjekdiklerini mälim edipdi.

Pentagonyň metbugat sekretary Parnell mesele hakynda beren beýannamasynda “Yza çekilşik etabynyň 6-12 aýyň dowamynda tamamlanmagyna garaşýarys” diýdi.

ABŞ-nyň Prezidenti Tramp bilen Germaniýanyň Federal Kansleri Merziň arasynda sişenbe güni Eýranyň ýadro ýaragy meselesinde dartgynly pursatlar başdan geçirlipdi.

Prezident Donald Tramp çarşenbe güni beren beýannamasynda Waşingtonyň Germaniýadaky esgerleriniň sanyny azaldyp biljekdigine ünsi çekdi.

Donald Tramp penşenbe güni beren beýannamasynda bolsa söweşe goldaw bermeýändikleri sebäpli ABŞ-nyň Italiýadaky we Ispaniýadaky esgerlerini hem yza çekip biljekdigini aýtdy.

ABŞ-nyň häzirki wagtda Italiýada 12 müň 662, Ispaniýada 3 müň 814, Germaniýada bolsa 36 müň 436 esgeri bar.