Ysraýylyň harby goşuny 10 gün dowam eden gabawdan we hüjümlerden soň basylyp alynan Günbatar Şerianyň günortasynda ýerleşýän Al Halil şäherinden dolulygyna yza çekildi.
Al Haliliň häkimi Halid Dudin “Ysraýylyň harby goşuny Al Halil şäherinden dolulygyna yza çekildi. Palestiniň howpsuzlyk güýçleri sebitde gözegçiligi ýola goýdy” diýdi.
Ysraýylyň harby goşunynyň hüjümleri sebäpli öýlerini terk etmeli bolan maşgalalaryň yzyna dolanyp biljekdigini nygtan Dudin, ýerli häkimiýetleriň we howpsuzlyk güýçleriniň mesele bilen ýakyndan gyzyklanýandygyny belledi.
Ysraýylyň harby goşuny 23-nji oktýabrda 2 palestinliniň ýaragly hüjüm gurandygy bahanasy bilen sebiti gabaw astyna alypdy we Al Halilde reýd geçiripdi.
2 palestinliniň guran hüjüminde ysraýylly 2 esger ýogalypdy, 3 esger ýaralanypdy.
Ysraýylyň harby goşuny hem hüjümi gurandygy öňe sürülýän 2 palestinlini öldüripdi.
Al Halili we daş-töweregindäki obalary gabaw astyna alan Ysraýylyň harby goşuny, Jalde we Aýn Deýr Baha etrapçalaryndaky öýleri harby merkeze öwüripdi.
Müňlerçe palestinli hem öýlerini terk etmeli bolupdy.
Ysraýylly esger gabaw döwründe palestinli ilatyň ýaşaýan ýerlerine we önümçilik kärhanalaryna uly zeper ýetirdi.
