Resmi sapar bilen Gazagystana giden Prezident Erdogan saparynyň çäginde ilki Garaşsyzlyk köşgüne bardy.

Erdogan Garaşsyzlyk köşgünde Gazagystanyň Prezidenti Kasym Žomart Tokaýew tarapyndan garşylandy.

Erdogan bilen Tokaýew resmi garşylama dabarasyndan soň özara duşuşyk geçirdi.

Iki kärdeş duşuşykdan soň Türkiýe-Gazagystan Ýokary derejeli strategik hyzmatdaşlyk geňeşiniň 6-njy maslahatyna ýolbaşçylyk eder.

Erdogan bilen Tokaýew maslahatdan soň şertnamalara gol çekişlik dabarasyna gatnaşar we metbugata beýannama berer.

Prezident Erdogana Gazagystana guraýan resmi saparynda Daşary işler ministri Hakan Fidan, Milli Bilim ministri Ýusuf Tekin, Milli Goranmak ministri Ýaşar Güler, Senagat we tehnalogiýa ministri Mehmet Fatih Kajyr, Söwda ministri Ömer Bolat, Türki döwletleriň guramasynyň Ýaşulylar geňeşiniň başlygy Binali Ýyldyrym, Prezidentiň ýanyndaky Kommunikasiýalar edarasynyň başlygy Burhanettin Duran bilen Adalat we ösüş partiýasynyň başlygynyň orunbasarlary ýoldaşlyk edýär.