Eýranyň hüjümleriniň ABŞ-nyň Ýakyn Gündogardaky aňtaw edaralaryna we enjamlaryna milliardlarça dollar zyýan ýetirendigi öňe sürüldi.
NBC News kanalynyň bu mesele bilen tanyş dört resminiň maglumatlaryna salgylanyp beren maglumatyna görä, Eýranyň uçarmansyz howa ulagy we raketa hüjümleri ABŞ-nyň Merkezi Razwedka Gullugynyň (CIA) we Ýakyn Gündogardaky beýleki razwedka gulluklarynyň ulanýan desgalaryna we enjamlaryna zyýan ýetiripdir.
Resmiler hüjümleriň sebitdäki ABŞ-nyň aňtaw gulluklaryna "ozal görlüp-eşidilmedik" zyýan ýetirendigini öňe sürüp, binalary we enjamlary abatlamagyň ýa-da çalşyrmagyň milliardlarça dollara barabar boljakdygyny öňe sürdüler.
CNN-iň sputnik suratlaryna, zyýanyň bahalandyryş hasabatlaryna we ABŞ-nyň we Pars aýlagynyň çeşmelerine salgylanyp habar bermegine görä, 28-nji fewraldan bäri Eýranyň hüjümleriniň netijesinde Ýakyn Gündogardaky azyndan 16 ABŞ-nyň harby bazasy dürli derejede zyýan çekdi.
Aralarynda “CBS News” we “CNN” ýaly bolan birnäçe amerikan habar beriş serişdeleri Eýran bilen urşuň umumy gymmadynyň azyndan 50 milliard dollara deň boljakdygyny öňe sürdüler.
