Eýranyň daşary işler ministri Abbas Arakçi ABŞ bilen töwellaçylar arkaly aragatnaşygyň dowam edýändigine garamazdan, Tähranyň ABŞ bilen gönüden-göni ýa-da aýlawly gepleşikler geçirmeýändigini aýtdy.

Sebitleýin dartgynlygyň möwjeýandigini beýan eden Arakçi töwellaçylaryň üsti bilen saklanýan aragatnaşygyň "ABŞ bilen gepleşik geçirmek diýmeklik däldigini" nygtap, Eýranyň häzirki wagtda resmi gepleşikler geçirilmeýändigini aýan etdi.

Eýranyň daşary işler ministri Waşingtonyň dürli kanallar arkaly habar iberýändigini nygtap, Eýranyň ýokary derejeli ýolbaşçylarynyň dürli teklipleri dialogsyz seljerýändigini aýtdy.

Arakçi: "Häzirki wagtda ABŞ bilen gepleşik geçirme niýetimiz ýok" diýdi.

Daşary işler ministri şeýle hem ABŞ-nyň sebitdäki harby pozisiýasyny tankytlady we harby bazalarynyň bardygyna garamazdan, Waşingtonyň sebit ýurtlaryny gorap we sebitleýin durnuklylygy  saklap bilmändigini öňe sürdi.

Arakçi Eýranyň uruş islemeýändigini we düşmezligiň doly çözülmegini isleýändigini nygtady.

Eýran mundan ozal ABŞ-nyň urşuň bes edilmegi baradaky teklibini ret edip, islendik çözgüdiň diňe Tähranyň şertlerine we bellän iş tertibine bagly boljakdygyny beýan edipdi.

Tähran atyşygy bes etmek üçin bäş şert kesgitledi.

Olaryň arasynda agressiýa we ganhorluk hökmünde kesgitlän aksiýalarynyň doly bes edilmegi, urşuň gaýtadan başlamagynyň öňüni almak üçin kepillikleriň döredilmegi we puşmana tölegi hem-de çekilen ýitginiň öweziniň dolunmagy bar.