Diplomatik çeşmeleriň berýän maglumatyna görä, Pakistan Ýakyn Gündogardaky söweş meselesine garaljak gepleşiklere ýer eýeçiligini eder
Pakistanyň ýer eýeçiliginde geçiriljek gepleşiklere Saud Arabystanynyň, Türkiýäniň we Müsüriň daşary işler ministri gatnaşar.
Pakistanyň Daşary işler ministrliginiň berýän maglumatyna görä, Yslamabatda ýekşenbe we duşenbe günleri Ýakyn Gündogardaky dartgynlyk meselesi ara alnyp maslahatlaşylar.
Pakistanyň Daşary işler ministri Ishak Daryň ýolbaşçylyk etmeginde geçiriljek gepleşiklere gatnaşjak Saud Arabystanynyň, Türkiýäniň we Müsüriň daşary işler ministri Premýer-ministri Şahbaz Şerif bilen hem duşuşar.
Pakistanyň Premýer-ministri Şahbaz Şerif gepleşikleriň öňüsyrasynda Eýranyň Prezidenti Mesud Pezeşkiýan bilen telefon arkaly söhbetdeşlik geçirid.
Premýer-ministr Şerif bir sagatdan gowrak dowam eden telefon söhbetdeşliginde Eýrana garşy guralýan hüjümleri ýazgarýandygyny mälim etdi.
Eýranyň halkyna goldaw berýändiklerini aýdan Şerif, şol bir wagtda Pakistanyň ABŞ bilen birlikde sebit ýurtlary bilen geçirýän gepleşikleri we edýän tagallasy hakynda maglumat berdi.
Pakistan tarapyndan berlen beýannama görä, Eýranyň Prezidenti Mesud Pezeşkiýan töwellaçylyk tagallalaryna goldaw bermek üçin ilkinji nobatda ynamyň ýola goýulmalydygyny nygtady.
Hakan Fidan, “Pakistanly kärdeşim bilen Türkiýede duşuşyk geçirmegi meýilleşdiripdik. Emma Pakistanly kärdeşimiziň ýurdunda galmaly bolandygy üçin duşuşygyň Pakistanda geçirilmegine karar berdik” diýdi.
Germaniýanyň Daşary işler ministri Wadephul anna güni beren beýannamasynda, ABŞ bilen Eýranyň ýakynda Pakistanda gepleşik geçirip biljekdigini mälim edipdi.
