Türkiyäniň Prezidenti Rejep Taýýip Erdogan Bosniýa-Gersegowinanyň Prezidium geňeşiniň başlygy Beçirowiç bilen Stambulda duşuşyk geçirip, Türkiyäniň öjükdiriji retorikalara garşy Bosniýanyň özygtyýarlylygyny we territoriýal bitewiligini berk goldaýandygyny ýene-de bir gezek nygtady.

Türkiýäniň Prezidenti Rejep Taýýip Erdogan resmi sapar bilen Türkiyä gelen Bosniýa-Gersegowinanyň Prezidium geňeşiniň başlygy Denis Beçirowiçi resmi dabara bilen garşylady.

Garşylama dabarasy Prezidentiň Stambuldaky Dolmabahçe köşgündäki ofisinde geçirildi. Dabaradan soň ikitaraplaýyn duşuşyk geçirildi.

Prezidentiň ýanyndaky Kommunikasiýalar edarasy tarapyndan Türkiyäniň “NSosyal” sosial media platformasy arkaly beren beýanatyna görä, taraplar sebit meselelerini we Türkiye bilen Bosniýa-Gersogowinanyň arasyndaky gatnaşyklary ara alyp maslahatlaşdylar.

Erdogan duşuşykda Türkiyäniň Bosniýa-Gersegowinanyň özygtyýarlylygyny, territorial bitewiligini we konstitusion gurluşyny şertsiz goldamagyny dowam etdirjekdigini aýtdy.

Sebitiň mundan beýläk-de başdan geçirmelere çydam edip bilmejekdigini nygtan Erdogan, Bosniýa-Gersegowinanyň jebisligini nyşana alýan öjükdirji çykyşlaryň hiç kime peýda getirmejekdigini aýtdy.

Bosniýa-Gersogowinanyň bitewiligini goldaýanlaryň agzybirlikde hereket etmeginiň öňküden has möhümdigini nygtan Erdogan, Türkiyäniň bosniýalylaryň möhüm bähbitlerini bozjak islendik işi kabul ederliksiz hasaplaýandygyny beýan etdi.

Bosniýa-Gersegowinanyň Prezidium geňeşi biri bosniýaly, biri horwat we biri serb bolmak bilen 3 agzadan ybarat.

Bosniýa-Gersegowinanyň Prezidium geňeşiniň başlygy Denis Beçirowiç wezipä şu aý başlady.