Adalat we ösüş partiýasynyň başlygynyň orunbasary we partiýanyň Türki döwletler bilen gatnaşyklar boýunça başlygy Kürşad Zorlu resmi sapar bilen baran Wengriýanyň paýtagty Budapeştde beýanat berdi.

Zorlu soňky global wakalaryň türki dünýäsinde, esasanam Türki Döwletler Guramasyna (TDG) agza ýurtlarynyň arasynda uly mümkinçilikleri ýüze çykarandygyny belläp, esasanam Merkezi we Günorta geçelgeleri boýunça ykdysadyýet we söwda pudaklarynda möhüm öňegidişlikleriň gazanylandygyny aýtdy.

"Biziň wezipämiz her bir ugurda hyzmatdaşlygymyzy özgertmekdir”

Zorlu türki dünýäsiniň geljegi barada şeýle hem şulary belledi: "Häzirki wagtda biziň umumy milli girdejimiz 2,6 trillion dollardyr. Bu bizi gysga wagtyň içinde dünýäniň iň gowy 10 ykdysadyýetiniň birine öwürer. Ilatymyzyň sany 300 milliondan, ýer meýdanymyzyň bolsa takmynan 5 million inedördül kilometre ýetmegi bilen, biz, Türki Dünýäsi we Türki Döwletleriň Guramasy hökmünde, dünýäde abadançylygy, parahatçylygy we asudalygy ileri tutýan we muny anyk ädimler arkaly amala aşyryp biljek birleşmä öwrüldik."

Zorlu energiýa, ulag we logistika geçirijilik liniýalarynyň howpsuzlygynyň möhümdigini nygtap, geçen hepde Türkiyäniň, Saud Arabystanynyň we Pakistanyň arasynda gol çekilen Mekge Bilelikdäki Goranmak Ylalaşygynyň TDG-na agza ýurtlary üçin hem uly gyzyklanma döredýändigini aýtdy.

Kürşad Zorlu Mekge Bilelikdäki Goranmak Ylalaşygy bilen Türki Dünýäsiniň Günorta Koridorynyň kepillik astyna alnandygyny habar berdi.